புரட்சிக்காரன்

வணக்கம் வாத்யாரே.....  நேற்றைய எங்கள் பதிவில், சில பின்னூட்டங்களை போட்டு பின் அழித்திருந்தீர்கள். எங்கள் மீது சில குற்றச்சாட்டு வைத்திருந்தீர்கள். உங்களை கண்ணீர் விடவைக்கவேண்டுமென்பதோ....அர்த்தமின்றி காயப்படுத்த வேண்டுமென்பதோ எங்கள் நோக்கமல்ல....எத்தனையோ பேர் இருக்கும்போது என்னை மட்டும் ஏன் குறிவைத்து தாக்குகிறீர்கள்? என்ற உங்கள் கேள்வியின் நியாயத்தை நாங்கள் உணர்ந்தே இருக்கிறோம். நாங்கள் உங்களை மட்டும் தாக்கவில்லை. நாங்கள் தாக்கும் பதிவர்களில் நீங்களும் ஒருவர். அதற்கு காரணம், நீங்கள் ஒரு ஆசிரியர். தமிழாசிரியரா என்று தெரியவில்லை. ஆனாலும், நீங்கள் ஒரு ஆசிரியர் என்பதை மட்டும் நாங்கள் அறிவோம்.

மாதா, பிதா, குரு, தெய்வம் என்று உங்களைப்போன்ற ஆசிரியர்களை மூன்றாம் இடத்தில் வைத்துக்கொண்டாடுகிறது இந்த சமூகம். அப்படிப்பட்ட சமூகத்திற்கு நீங்கள் ஆற்றிய தொண்டு உங்கள் தளம் மூலம் பிழையான வார்த்தைகளை கொடுத்ததுதான்.

யாரோ ஒரு மூன்றாம் மனிதன் இதை செய்தால்கூட மன்னித்துவிடலாம். ஆனால், ஒரு ஆசிரியரே தவறு செய்தால்......அதைத்தான் நாங்கள் சுட்டிக்காட்டுகிறோம்.

எழுத்துப்பிழை என்பது உங்களோடு மட்டும் முடிந்துவிட்டால் பரவாயில்லை. ஆனால், நீங்கள் ஒரு ஆசிரியர் என்பதால் இதே எழுத்துப்பிழைகளோடு மாணவர்களுக்கு நீங்கள் பாடம் எடுப்பதன்மூலம், மாணவர்களுக்கும் அந்த எழுத்துப்பிழை வந்துவிடாதா?
ஒரு தந்தை தவறு செய்தால் அது அந்த குடும்பத்தை மட்டும்தான் பாதிக்கும். ஆனால், ஒரு ஆசிரியர் தவறு செய்தால் ஒரு சமூகத்தையே பாதிக்கும்.

எழுத்துப்பிழை இருந்தால் என்ன? நான் சொல்லவந்த கருத்தில் பிழையுள்ளதா என்று பாருங்கள் என்றும் ஒரு  பின்னூட்டம் போட்டிருந்தீர்கள்.
எழுத்தில் பிழையிருந்தால் சொல்லவந்த கருத்திலும் பிழை வந்துவிடும் என்பதை ஏன் ஒரு ஆசிரியரான நீங்கள் உணரமறுக்கிறீர்கள்.
உதாரணத்திற்கு சில...

ஒருவனின் மனைவிக்கு ஒரு அழகான சோலை போன்ற தோட்டம் இருப்பதாக வைத்துக்கொள்வோம்.அந்த சோலைக்குள் இன்னொருவன் நுழைந்துவிட்டான். அந்த சம்பவத்தை ஒருவன் எழுத்தில் கொண்டுவரும்போது, என் மனைவியின் சோலைக்குள் ஒருவன் நுழைந்தான் என்றுதான் இருக்கவேண்டும்.
ஆனால், ஒரு எழுத்துதானே மாறுகிறது என்று துணைக்கால் போடாமல் சோலைக்குள் என்பதை சேலைக்குள் என்று எழுதிவிட்டால், குடும்பத்தில் குழப்பம் வந்துவிடாதா?

என் மகன் அடம் செய்கிறான் உங்கள் வீட்டில் வைத்துக்கொள்ளுங்கள் என்று ஒருவர் இன்னொருவருக்கு ஒரு தபால் எழுதி அதை தன் மகனிடமே கொடுத்து விடுகிறார் என்று வைத்துக்கொள்வோம். அப்படி எழுதும்போது வைத்துக்கொள்ளவும் என்பதற்கு பதிலாக வைத்துக்கொல்லவும் என்று பிழையாக எழுதிவிட்டால் முடிந்தது அவரது மகனின் கதை.

எங்கோ மணம் வீசுகிறது என்பதை எழுத்தில் கொண்டு வரும்போது வார்த்தைக்கு நடுவில் இடம் விடாவிட்டால் எங்கோமணம் வீசுகிறது என்ற அர்த்தம் வந்துவிடும். கோமணம் என்பது கிராமப்புறத்தில் வயதானவர்கள் அணியும் உள்ளாடை என்பதை ஒரு ஆசிரியரான உங்களுக்கு இந்த சிறியோன் சொல்லித் தெரியவேண்டியதில்லை.இப்படி எத்தனையோ சொல்லலாம்.

அடுத்த ஒரு பின்னூட்டத்தில் நான் குக்கிராமத்திலிருந்து வந்தவன். எனக்கு பிழையில்லாமல் கவிதை எழுதவராது என்று குறிப்பிட்டிருந்தீர்கள்.
உங்களுக்கு பிழையின்றி கவிதை எழுத வராது என்பதற்காக ஏன் குக்கிராமத்துக்காரர்களை வம்பிழுக்கிறீர்கள்?

பட்டுக்கோட்டையார் பிறந்தது செங்கப்படுத்தான்காடு என்ற குக்கிராமத்தில்தான். கண்ணதாசன் பிறந்த சிறுகூடல்பட்டி என்ற ஊர் தேம்ஸ் நதிக்கரையில் இல்லை. அதுவும் ஒரு குக்கிராமம் தான். வைரமுத்து பிறந்த வடுகப்பட்டியும் ஒரு குக்கிராமம்தான்.

இப்படி குக்கிராமங்களில் பிறந்த எல்லோருக்கும் கவிதை எழுத வரும்போது உங்களுக்கு ஏன் வராது?...முயற்சியுங்கள் அய்யா....முடியும் உங்களால்.  

எங்களின் இந்த பதிவிற்கு பதிலடியாக உங்கள் தளத்தில், ஓ...சமூகமே இது நியாயமா? என்று ஒரு கவிதையை நூறு பிழைகளோடு எழுதி பதிவிட்டு அனுதாபம் தேடிக்கொள்ளுங்கள். உங்களுக்கு வாக்களிக்கவும் பரிதாபப்படவும் ஒரு கூட்டமே இருக்கிறது.
உங்களுக்காகத்தான் திருவள்ளுவர்

சொலல்வல்லான் சோர்விலன் அஞ்சான் அவனை
இகல்வெல்லல் யார்க்கும் அரிது

என்று சொல்லியுள்ளார். அதாவது...ஒரு விசயத்தை அழகாகவும் ஆணித்தரமாகவும் சொல்லத்தெரிந்தால் போதும். அது பொய்யாக இருந்தாலும் அவனை சுற்றி ஒரு கூட்டமிருந்து, அவனை வெல்ல யாராலும் முடியாது என்றிருக்கிறார். இந்த இடத்தில் ஒரு திருத்தம், உங்கள் விசயத்தில் அது பொய்யாக இருந்தாலும் என்பதை அது பிழையாக இருந்தாலும் என்று மாற்றிக்கொள்ளுங்கள். இனி, உங்களை தொந்தரவு செய்யப்போவதில்லை. இதுவரை கொடுத்த தொந்தரவிற்காக மன்னிக்கவும்.
இனிமேலாவது பிழையில்லாமல் எழுதுவீர் என்ற நம்பிக்கையில்....

புரட்சிக்காரன்

இன்னைக்கு நம்ம பாக்கப்போறதும் ஒரு வாத்தியாரை பத்தித்தானுங்கண்ணா....

இந்த கவிதை தெரு வாத்தியாரும், நம்ம சரணாலய வாத்தியாரும் நெருங்கிய தோஸ்துங்க....ரெண்டு பேரும் ஒன்னாத்தான் வேலை பார்க்கறாங்க....
நம்ம அடிக்கடி இவங்களை பத்தி எழுதுறதால...இப்ப சரணாலய வாத்தி கொஞ்சம் திருந்திட்ட மாதிரி இருக்கு...திருந்தட்டும் நமக்கு அதுதானே வேணும்.

சரணாலய பதிவரு இப்பலாம் காப்பிகூட குடிக்கறது இல்லையாம்.
பதிவை கூட ரத்திண சுருக்கமா எழுதுறார். கவிதைங்கிற பேருல எதையாவது ரெண்டு அடி இல்லாட்டி  நாலு வரில எழுதி திருக்குறளுக்கும், நாலடியாருக்கும் செம போட்டியை கொடுக்கறாரு அவரு....

அவருக்கு போட்டியா இந்த கவிதைத்தெரு வாத்தியும் கவிதைங்கற பேருல எழுதுவாரு பாருங்க...ஆத்தாடி நம்ம வாலி, வைரமுத்து எல்லாம் பிசசை வாங்கனும் அவருகிட்ட...அப்படி ஒரு சமுதாய அக்கறையுள்ள கவிதைகள்.

கவிதைதெரு வாத்தி பதிவுலக ஷங்கர் மாதிரி.... ஷங்கருன்னு சொன்னதும் பெரிய அளவுல அவரை நெனைக்காதீங்கண்ணா....
ஷங்கரும் இவரும் சரக்கே இல்லாம அவங்க அவங்க துறையில குப்பை கொட்டுறவங்க...
ஷங்கருக்கு பிரமாண்டம்ன்னா...கவிதைதெருவுக்கு ஜிகினா வேலைப்பாடுகள்.

நான் இன்று கடைக்குப்போய் மிட்டாய் வாங்கினேன் என்பதைக்கூட

நான்
இன்று
கடைக்குப்போய்
மிட்டாய்
வாங்கினேன்

என்று ஒன்றின்கீழ் ஒன்றாய் வார்த்தைகளை அடுக்கி, அந்த மொக்கைக்கு ஜிகினா வேலைப்பாடுகளெல்லாம் கொடுத்து, கலர் கலரா வண்ணம் பூசி கவிதைன்னு சந்தைப்படுத்திவிடுவாரு. அவ்வளவு திறமை நம்ம கவிதைதெரு வாத்திக்கு..

ஒரு கவிதை எப்படி இருக்கக்கூடாதுங்குறதுக்கு அண்ணனின் உரைநடையே தப்பு தப்பு  கவிதையே சாட்சி. கவிதை எழுதற பதிவர்கள் எல்லாரும் ஒரு முறை நம்ம வாத்தியின் கவிதையை படிங்கப்பா...அப்பத்தான் எப்படி கவிதை எழுதக்கூடாதுன்னு உங்களுக்கு புரியும். இதுகூட தொலையட்டும். 

அன்றைக்கு ஒரு தலைப்பு வச்சிருந்தார் பாருங்க.....ஆசிரியர் ஜாதியே வெட்கி தலைகுனியனும் அதுக்காக....அப்படி என்ன தலைப்புன்னு கேட்கறீங்களா...இதுதான் அந்த தலைப்பு....

ஆத்தா.. நான் அதுல பாஸாயிட்டேன்.

இப்படி ஒரு மட்டமான தலைப்பை ஒரு ஆசிரியர் போட்டது வெட்கக்கேடு. என்னதான் சாக்கு போக்கு சொன்னாலும் 'அது' எனும் வார்த்தைக்கு அசிங்கமான அர்த்தம் உண்டு என்பது எல்லாருக்கும் தெரியும். ஹிட்ஸ் வாங்க வேண்டும் என்பதற்காக அந்த 'அது' வார்த்தையை பயன்படுத்தி அதுவும் தாயே (ஆத்தா)  நான் அதுல பாஸ்  ஆயிட்டேன் என்று எழுதுவது ஒரு ஆசிரியருக்கு அழகா? ஒவ்வொரு முறையும் யாரேனும் தவறை சுட்டிக்காட்டுவதும், சில சமயம் அதை திருத்துவதும், பலமுறை தகிடுதத்தம் செய்யும் அந்த வாத்தியார் இன்னும் அந்த வார்த்தையை திருத்தாமல் இருக்கிறாரே....இன்னும் யாரும் அதை சுட்டிக்காட்டவில்லை போலும்.
இதை  எங்க பக்கம் இருக்கும் ஆத்தாவிடம் சொல்லியிருந்தால் அதுல அதை நனைச்சு...அது பிஞ்சுபோற அளவுக்கு அதாலயேஅடிச்சுருப்பாங்க....

அதுல என்னங்க தப்பு இருக்கு? அதுங்கறது கெட்டவார்த்தையான்னு கேட்கறீங்களா?

ஆமாங்க..ஆமாம்...அதுங்கறது இன்றைய பதிவுலகத்தில் அது கெட்டவார்த்தைதான். வாத்தியாரும் ஹிட்சுக்காக கெட்டவார்த்தை அடிப்படையில்தான் அதை பயன்படுத்தியிருக்கார். சாதாரனமாக நான் பாசாயிட்டேன்னு தலைப்பு வச்சா கூட்டம் வராதுன்னு தெரிஞ்சே அதை பயன்படுத்தியிருக்கார்.

இந்த அது இது போன்ற வார்த்தைகளை ரெண்டு வாத்திகளும்தான் அதிகம் பயன்படுத்தறாங்க.....

என்ன பன்றது இவங்க அதுக்குக்கூட லாயக்கில்லை....எதுக்கா? அதுக்குத்தாங்க....

காப்பி-பேஸ்ட் பதிவுகள் மூலம் தமிழ்மணத்தை கலக்கிக்கொண்டிருக்கும் (அ)சிங்கம் பிரபல பதிவர் வாத்தியார் வேடந்தாங்கல் தருனுடன் ஒரு இனிய சந்திப்பிற்காக நேற்று மாலை மழையையும் பொருட்படுத்தாமல் அவர் நடத்தும் காப்பி ஷாப்பிற்கு சென்றோம். நம்மை இன் முகத்துடன் வரவேற்று கலந்துரையாடினார். அந்த இனிய சந்திப்பின் விவரங்களை நம் வாசகர்களுக்காக தருவதில் மிக்க மகிழ்சியடைகிறோம்.

வாங்க நிருபரே....வாங்க...உட்காருங்க....என்ன சாப்பிடுறீங்க....

பரவாயில்லை....வாத்தியாரே

நம்ம கடைப்பக்கம் வந்துட்டு ஏதாவது சாப்பிடாட்டி என் மனசு கஸ்டப்படும். ஒரு காப்பி சொல்லவா...என் கடை காப்பி ரொம்ப டேஸ்டா இருக்கும்

ரொம்ப கம்பல் பன்னுறீங்களே....சரி..காப்பிலால் வேணாம்...இந்த மழை நேரத்துக்கு சூடா ஒரு கப் டீ குடிச்சா நல்லாருக்கும்.

மன்னித்துக்கொள்ளுங்கள் நிருபரே.....எனக்கு டீ பிடிக்காது ஒன்லி காப்பி தான். என் கடையில காப்பி மட்டும்தான் விற்கறோம்

பரவாயில்லை வாத்தியாரே...காப்பியே கொடுங்க....

(உடனே தன் வேலையாளை அழைத்து இரண்டு கப் காப்பி சொல்கிறார் தருன். காப்பி வந்தது. குடித்துப்பார்த்தால் மிக அருமையாக இருந்தது.)

ஆஹா...என்ன ருசி....வாத்தியாரே என் வாழ்நாளில் இப்படி ஒரு காப்பியை நான் குடித்ததில்லை. அப்படி ஒரு ருசி...இது என்ன காப்பி....இன்ஸ்டண்ட் காப்பியா?

யாருக்குத்தெரியும்  நிருபரே?

என்ன வாத்தியாரே சொல்றீங்க?

நிசமாத்தான் சொல்றேன். நான் இப்ப சொல்லப்போற ரகசியத்தை யாரிடமும் சொல்லிவிடாதீங்க நிருபரே....

சொல்லுங்க...சொல்லுங்க....

இப்ப நீங்க குடிச்சது ஒரே பிராண்டு காப்பி இல்லை. ஒரு ஏழெட்டு கடையில கொஞ்சம் கொஞ்சமா காப்பித்தூள் திருடி அதையெல்லாம் மொத்தமா கலந்து வச்சிருக்கேன். ஆனால், இந்த விஷயம் தெரியாத என் நண்பர்கள் இதை குடிச்சுப்பார்த்துட்டு ஆஹா...அருமை...சூப்பர் டேஸ்டு மச்சின்னு சொல்லி வாழ்த்துவாங்க... இது என் கைப்பக்குவம்ன்னு நினைச்சுக்குவாங்க... நானும் அவங்களோட முட்டாத்தனத்தை பார்த்து மனசுக்குள்ள சிரிச்சுக்குவேன். இப்படித்தான் ஒருநாள் எல்லோரும் காப்பிகுடிச்சிட்டு வச்சிட்டுப்போன காப்பி கிளாசை கழுவிட்டு, அந்த கழுவுன தண்ணிய ஒரு பாத்திரத்தில வச்சிருந்தேன். அப்பப்பார்த்து திடீர்னு ஒரு கும்பல் வந்து காப்பி கேட்டாங்க..அத்தனை பேருக்கும் காப்பி கலக்க என்னிடம் சரக்கில்லை. பார்த்தேன் ஆபத்துக்கு பாவமில்லைன்னு நினைச்சு அந்த கிளாஸ் கழுவுன தண்ணில கொஞ்சம் சக்கரை கலந்து சூடுபன்னி கொடுத்திட்டேன். அதை குடிச்ச எல்லோரும் என்னை பாராட்டினாங்க...அதுல ஒருத்தன் காப்பி ரொம்ப டேஸ்டா இருக்கு. இன்னொரு கப் காப்பி கிடைக்குமான்னு கேட்டான். பாவம் அவங்களை சொல்லி குத்தமில்லை. அவங்க இதுக்கு முன்னாடி வேற எங்கேயும் காப்பி சாப்பிட்டிருக்க மாட்டாங்க...

சூப்பர் ஐடியா வாத்தியாரே....ஆமா, இது தப்பில்லையா?

தப்புதான். ஆனால், நம்ம கடை கல்லா கட்டனுமே...என்ன செய்வது?

அது காப்பியில்லை. கப்பு கழுவுன தண்ணின்னு நீங்களாவது சொல்லிருக்கலாம்ல?

சொல்லிருந்தா எல்லோரும் என் மேல வாந்தி எடுத்திட்டு போயிருப்பாங்க... நல்லாருக்குன்னு சொல்ற அவங்க நம்பிக்கையை நான் எதுக்கு கெடுக்கனும்.

 நல்ல ஆளு வாத்தியாரே நீஙக...எனக்கும் காப்பிக்கடை வைக்கிற ஐடியா வந்திருச்சு....அந்த ஃபார்முலாவை சொல்லித்தாங்களே?

அது முடியாது. இந்த காப்பி தயாரிக்கும் காப்பி ரைட் எனக்கு மட்டும்தான் இருக்கு...

விவரமான ஆளு சார் நீங்க...இந்த அனுபவம்தான் பதிவுலகத்திலேயும் உங்களுக்கு கை கொடுக்குது போல...

நிச்சயமா...

உங்களை ஒரு காப்பி பேஸ்ட் மன்னன்னு சொல்றாங்களே...

சொல்றவங்க சொல்லிட்டு போகட்டும். கற்பனை திறனும், அறிவும் இருக்கறவங்கதான் இதை சொல்றாங்க...எத்தனை முட்டாள் பதிவர்கள் என்னை கொண்டாடுறாங்க தெரியுமா?

சரி... நீங்க சொந்தமா எழுத முயற்சி பன்னலாமே?

நான் மாட்டேன்னா சொல்றேன். ஆனால், அந்த அளவுக்கு அறிவு வேனுமே? அது எங்கிட்ட இல்லை.... நான் வச்சுக்கா வஞ்சகம் பன்றேன்.. சட்டில இருந்தாத்தானே அகப்பையில வரும். நிருபரே உங்களுக்கு ஒரு விஷயம் தெரியுமா? நான் இருக்கவங்கிட்ட புடுங்கி இல்லாதவன்கிட்ட கொடுக்கிறேன்... இதுவும் கம்யூனிசம் தான்.

அப்படி போடுங்க வாத்தியாரே...சரி, நீங்க பதிவு போட்ட கொஞ்ச நேரத்துல சர சரன்னு ஓட்டும் கமெண்டும் வந்துடுதே அது எப்படி? என்ன வசியம் பன்னிருக்கீங்க...

அது பெரிய கம்பசூத்திரமில்லை. காலைல நான் ஒரு பதிவை போட்டுட்டு பின்னாடி ஒரு நூறு பிளாக்குக்கு போயி பதிவையே படிக்காம வந்தேன், பிரசண்ட், அருமை, சூப்பர்ன்னு கமெண்ட் போட்டுட்டு வந்துருவேன். அப்புறம் என் நண்பர் கவிதை தெரு சந்தரிடம் என் யூசர் நேம் பாஸ்வேர்டு கொடுத்து வச்சிருக்கேன். அவரும் என் பெயர்ல போயி ஒரு நூறு கமெண்ட் போட்டுடுவாரு... நான் போட்டது, அவரு போட்டதுன்னு மொத்தம் ஒரு இருனூறு கமெண்டாவது தேறிடும். அதிலேர்ந்து ஒரு அம்பது பேரு வந்து நமக்கு ஓட்டும் பின்னூடமும் போட்டாலே போதும்.

நல்ல சூட்சமமா இருக்கே இது...சரி...படிக்காம அப்படி கமெண்ட் போடறது ரிஸ்காச்சே...அப்படி கமெண்ட் போடும்போது ஏதாவது சுவாரஸ்யமான சம்பவம்  நிகழ்ந்திருக்கா?

அய்யோ...அய்யோ...அந்த கூத்தை ஏன் கேக்கறீங்க....ஒரு தடவை இப்படித்தான் ஒரு பதிவுக்கு போயி வழக்கம்போல பதிவையே படிக்காம ஆஹா...அருமையான பதிவு.. நல்ல நகைச்சுவை....சிரிச்சிக்கிட்டே இருக்கேன்ன்னு ஒரு கமெண்ட போட்டுட்டு வந்துட்டேன். கொஞ்ச நேரத்துல ஒரு போன் வந்தது எடுத்து பேசினால் கண்டபடி பச்சை பச்சையா திட்டுறான் ஒருத்தன். எனக்கு ஒன்னுமே புரியல...அப்புறம் தான் கேட்டேன் எதுக்கு இப்படி நாரத்தனமா திட்டுறீங்கன்னு...அதுக்கு அவன் சொன்னான்...உன்னை திட்டாம கொஞ்சவா முடியும் நாதாரிப்பயலே...என் பொண்டாட்டி இன்னொருத்தனோட ஒடிப்போயிட்டான்னு  நானே கவலைப்பட்டு ஒரு பதிவை போட்டா அது உனக்கு நகைச்சுவையான பதிவாடா...இன்னும் சிரிச்சுக்கே இருக்கியா? இரு வந்து உன் பல்ல பேக்கறேன்னு சொன்னான். அதுபோல இன்னொரு முறை இப்படித்தான் ஒரு பதிவுக்கு போயி படிக்காம பகிர்வுக்கு நன்றி நண்பரே...வாழ்த்துக்கள்ன்னு ஒரு கமெண்டு போட்டேன். அப்புறம் பார்த்தா அது ஒரு மரண அஞ்சலி பதிவு...இப்படி நிறைய இருக்கு.

நல்லாத்தான் இருக்கு...சரி இப்பத்தான் பிலாக் ஆரம்பிச்சமாதிரி இருக்கு அதுக்குள்ள எப்படி இத்தனை பாலோவரு உங்களுக்கு?

நல்லா கேட்டீங்க போங்க...ரொம்ப சுலபமா சொல்லிட்டிங்க இதுக்கு நான் எவ்வளவு கஸ்டப்பட்டேன் தெரியுமா? இந்த ஐனூத்தி சொச்சம் பாலோவர சேர்க்க நான் ஒரு ரெண்டாயிறம் பிலாக்கிலாவது பாலோவரா சேர்ந்திருக்கேன். மொய்யிக்கு மொய்யி மாதிரி வந்த ஆளுங்க இவங்க

அப்படினா இது தானா சேர்ந்தகூட்டமில்லை... நீங்களா சேர்த்த கூட்டம்ன்னு சொல்லுங்க....

அப்படித்தான் வச்சுக்கங்க....

இன்னொரு கேள்வி....அதெப்படி கரெக்டா ஹிட்டடிக்கும் பதிவை மட்டும் கண்டுபிடிச்சு காப்பியடிக்கறீங்க?

அது ரொம்ப சிம்பிள். ஒருத்தரோட பதிவை படிக்கும்போதே இது ஹிட்டடிக்கும், இது அடிக்காதுன்னு கணிச்சுடுவேன். அப்படி ஹிட்டடிக்கும் பதிவை உடனே சுட்டு என் பெயர்ல போட்டுடுவேன். நான் நினைச்சது மாதிரியே ஹிட்டாகிடும்

நீங்க காப்பியடிச்சதை யாராவது கண்டுபிடிச்சு...லிங்கோட சுட்டிக்காட்டினா என்ன பன்னுவீங்க வாத்தியாரே?

உடனே என் பிலாக்கில் போட்ட அந்த காப்பி பேஸ்ட் பதிவ நீக்கிடுவேன். அல்லது பதிவுல இருக்க வார்த்தைகளை மாற்றிடுவேன். தட்ஸ் தமிழ்...

தட்ஸ் தமிழா?

மன்னிச்சுக்கங்க நிருபரே...தட்ஸ் ஆல்ன்னு சொல்லவேண்டியதைத்தான் தட்ஸ் தமிழ்ன்னு சொல்லிட்டேன்.

உங்களுக்கு எப்போதும் தட்ஸ் தமிழ் நினைப்புதான்....

வேற என்ன செய்வது தட்ஸ் தமிழ்ல இருந்துதானே அதிகம் காப்பி அடிக்கிறேன்.

உங்க எதிர்கால லட்சியமென்ன வாத்தியாரே?

லட்சியம்ன்னா....(யோசிக்கிறார்)....எதிர்காலத்தில நம்பர் ஒன் காப்பி பேஸ்ட் பதிவருன்னு பெயர் வாங்கனும். சரி...வந்து நேரமாச்சே...இன்னொரு காப்பி சாப்பிடுறீங்களா?

வேனாம் சார்...ஒன்னே போதும்...

என்ன நிருபரே நீங்க ஒரு காப்பி குடிச்சதுக்கே இப்படி அலுத்துக்கறீங்க... நானெல்லாம் ஒரு நாளைக்கு மூனு, நாலு காப்பியெல்லாம் அடிப்பேன் சே...குடிப்பேன் தெரியுமா?

உங்களுக்கு அது பழக்கமாபோயிருச்சு....

அடிமையாகிட்டேன்னு கூட சொல்லலாம்....அப்படி மூனு நாலு காப்பி குடிக்காட்டி கை காலெல்லாம் உதற ஆரம்பித்து விடும்.

வேற எதாவது திட்டம் இருக்கா?

இப்ப என் பதிவுக்கு வர ஹிட்டு கொஞ்சம் குறைஞ்சு போச்சு...அதான் எதிர்காலத்துல மஜா மல்லிகா போன்ற செக்ஸ் கதைகளை காப்பியடிச்சு போடலாம்ன்னு இருக்கேன். அப்ப நிறைய பேருங்க வருவாங்கல்ல....

இன்னொரு முக்கியமான கேள்வி. வேடந்தாங்கல்ங்கற பேரை எப்படி செலக்ட் செஞ்சீங்க?

வேடந்தாங்கலுக்கு வரும் பறவைகள் எல்லாம் பல நாட்டுலேர்ந்துதானே வருது. அதுபோல என் பிலாக்கில் இருக்கும் பதிவுகளும் பல தளத்திலிருந்துதான் நான் சுட்டு போடறேன். அதான் அந்தப்பேர வச்சேன்.

சூப்பர்  சார்.... நம்ம வாசகர்களுக்காக ஏதாவது  சொல்லுங்களேன்...

எதாவது என்ன? ஒரு கவிதையே சொல்லுறேன்....

காப்பி பேஸ்ட் என்றார்கள்
திருடன் என்றார்கள்
அதெயெல்லாம் பற்றி
கவலைப்படாமல்
நக்கீரனிடமிருந்து திருடி
ஒரு பதிவிட்டேன்
மகுடமும் கிடைத்தது.

ஆனாலும், அதை
ஒருத்தன் கண்டுபிடித்து
என்னை திட்டினான்
அவன் ஒருவன் தானே
கண்டு பிடித்தான்
மற்றவர்கள் கண்டுபிடித்து
என்னை காறி துப்பும் முன்
உடனே அந்தப்பதிவை
நீக்கிவிட்டேன்.

கொஞ்ச நாளுக்கு பின்
நீக்கிய பதிவை
மீண்டும்சேர்த்து
எண்ணிக்கையை
கூட்டிக்கொண்டேன்.

இப்படி நான்
காப்பியடிப்பதையெல்லாம்
கண்டுபிடித்துக்கொண்டு
இருந்தால் எப்படித்தான்
நான் பிழைப்பை
ஓட்டுவது? 
 நல்லாருக்கா என் கவிதை?

என்னது கவிதையா? இன்னும் நீங்க சொல்லவே ஆரம்பிக்கவில்லையே?

அப்படின்னா இப்ப சொன்னது என்னன்னு நினைச்சீங்க? உங்களுக்கு எங்கே தெரியப்போகுது என் கவிதையின் அருமை. இப்ப நான் சொன்னதை ஒரு பதிவாக போட்டிருந்தாலே இந்நேரம் தமிழ் மணத்தில் ஏழு வோட்டு வாங்கிருப்பேன். ஆஹா...சூப்பரு...கலக்கல்... நச் கவிதைன்னு ஒரு பத்து கமெண்டு வந்திருக்கும். கொஞ்ச நேரத்துல சூடான இடுகைகளில் வந்திருக்கும்.

வாத்தியார் லேசாக சூடானார். இதற்கு மேல் நாம் அங்கிருந்தால் நம் தலையில் காப்பியை ஊற்றிவிடுவார் என்று பயந்துபோய் வெளியேறினேன்.