புரட்சிக்காரன்

வணக்கம் வாத்யாரே.....  நேற்றைய எங்கள் பதிவில், சில பின்னூட்டங்களை போட்டு பின் அழித்திருந்தீர்கள். எங்கள் மீது சில குற்றச்சாட்டு வைத்திருந்தீர்கள். உங்களை கண்ணீர் விடவைக்கவேண்டுமென்பதோ....அர்த்தமின்றி காயப்படுத்த வேண்டுமென்பதோ எங்கள் நோக்கமல்ல....எத்தனையோ பேர் இருக்கும்போது என்னை மட்டும் ஏன் குறிவைத்து தாக்குகிறீர்கள்? என்ற உங்கள் கேள்வியின் நியாயத்தை நாங்கள் உணர்ந்தே இருக்கிறோம். நாங்கள் உங்களை மட்டும் தாக்கவில்லை. நாங்கள் தாக்கும் பதிவர்களில் நீங்களும் ஒருவர். அதற்கு காரணம், நீங்கள் ஒரு ஆசிரியர். தமிழாசிரியரா என்று தெரியவில்லை. ஆனாலும், நீங்கள் ஒரு ஆசிரியர் என்பதை மட்டும் நாங்கள் அறிவோம்.

மாதா, பிதா, குரு, தெய்வம் என்று உங்களைப்போன்ற ஆசிரியர்களை மூன்றாம் இடத்தில் வைத்துக்கொண்டாடுகிறது இந்த சமூகம். அப்படிப்பட்ட சமூகத்திற்கு நீங்கள் ஆற்றிய தொண்டு உங்கள் தளம் மூலம் பிழையான வார்த்தைகளை கொடுத்ததுதான்.

யாரோ ஒரு மூன்றாம் மனிதன் இதை செய்தால்கூட மன்னித்துவிடலாம். ஆனால், ஒரு ஆசிரியரே தவறு செய்தால்......அதைத்தான் நாங்கள் சுட்டிக்காட்டுகிறோம்.

எழுத்துப்பிழை என்பது உங்களோடு மட்டும் முடிந்துவிட்டால் பரவாயில்லை. ஆனால், நீங்கள் ஒரு ஆசிரியர் என்பதால் இதே எழுத்துப்பிழைகளோடு மாணவர்களுக்கு நீங்கள் பாடம் எடுப்பதன்மூலம், மாணவர்களுக்கும் அந்த எழுத்துப்பிழை வந்துவிடாதா?
ஒரு தந்தை தவறு செய்தால் அது அந்த குடும்பத்தை மட்டும்தான் பாதிக்கும். ஆனால், ஒரு ஆசிரியர் தவறு செய்தால் ஒரு சமூகத்தையே பாதிக்கும்.

எழுத்துப்பிழை இருந்தால் என்ன? நான் சொல்லவந்த கருத்தில் பிழையுள்ளதா என்று பாருங்கள் என்றும் ஒரு  பின்னூட்டம் போட்டிருந்தீர்கள்.
எழுத்தில் பிழையிருந்தால் சொல்லவந்த கருத்திலும் பிழை வந்துவிடும் என்பதை ஏன் ஒரு ஆசிரியரான நீங்கள் உணரமறுக்கிறீர்கள்.
உதாரணத்திற்கு சில...

ஒருவனின் மனைவிக்கு ஒரு அழகான சோலை போன்ற தோட்டம் இருப்பதாக வைத்துக்கொள்வோம்.அந்த சோலைக்குள் இன்னொருவன் நுழைந்துவிட்டான். அந்த சம்பவத்தை ஒருவன் எழுத்தில் கொண்டுவரும்போது, என் மனைவியின் சோலைக்குள் ஒருவன் நுழைந்தான் என்றுதான் இருக்கவேண்டும்.
ஆனால், ஒரு எழுத்துதானே மாறுகிறது என்று துணைக்கால் போடாமல் சோலைக்குள் என்பதை சேலைக்குள் என்று எழுதிவிட்டால், குடும்பத்தில் குழப்பம் வந்துவிடாதா?

என் மகன் அடம் செய்கிறான் உங்கள் வீட்டில் வைத்துக்கொள்ளுங்கள் என்று ஒருவர் இன்னொருவருக்கு ஒரு தபால் எழுதி அதை தன் மகனிடமே கொடுத்து விடுகிறார் என்று வைத்துக்கொள்வோம். அப்படி எழுதும்போது வைத்துக்கொள்ளவும் என்பதற்கு பதிலாக வைத்துக்கொல்லவும் என்று பிழையாக எழுதிவிட்டால் முடிந்தது அவரது மகனின் கதை.

எங்கோ மணம் வீசுகிறது என்பதை எழுத்தில் கொண்டு வரும்போது வார்த்தைக்கு நடுவில் இடம் விடாவிட்டால் எங்கோமணம் வீசுகிறது என்ற அர்த்தம் வந்துவிடும். கோமணம் என்பது கிராமப்புறத்தில் வயதானவர்கள் அணியும் உள்ளாடை என்பதை ஒரு ஆசிரியரான உங்களுக்கு இந்த சிறியோன் சொல்லித் தெரியவேண்டியதில்லை.இப்படி எத்தனையோ சொல்லலாம்.

அடுத்த ஒரு பின்னூட்டத்தில் நான் குக்கிராமத்திலிருந்து வந்தவன். எனக்கு பிழையில்லாமல் கவிதை எழுதவராது என்று குறிப்பிட்டிருந்தீர்கள்.
உங்களுக்கு பிழையின்றி கவிதை எழுத வராது என்பதற்காக ஏன் குக்கிராமத்துக்காரர்களை வம்பிழுக்கிறீர்கள்?

பட்டுக்கோட்டையார் பிறந்தது செங்கப்படுத்தான்காடு என்ற குக்கிராமத்தில்தான். கண்ணதாசன் பிறந்த சிறுகூடல்பட்டி என்ற ஊர் தேம்ஸ் நதிக்கரையில் இல்லை. அதுவும் ஒரு குக்கிராமம் தான். வைரமுத்து பிறந்த வடுகப்பட்டியும் ஒரு குக்கிராமம்தான்.

இப்படி குக்கிராமங்களில் பிறந்த எல்லோருக்கும் கவிதை எழுத வரும்போது உங்களுக்கு ஏன் வராது?...முயற்சியுங்கள் அய்யா....முடியும் உங்களால்.  

எங்களின் இந்த பதிவிற்கு பதிலடியாக உங்கள் தளத்தில், ஓ...சமூகமே இது நியாயமா? என்று ஒரு கவிதையை நூறு பிழைகளோடு எழுதி பதிவிட்டு அனுதாபம் தேடிக்கொள்ளுங்கள். உங்களுக்கு வாக்களிக்கவும் பரிதாபப்படவும் ஒரு கூட்டமே இருக்கிறது.
உங்களுக்காகத்தான் திருவள்ளுவர்

சொலல்வல்லான் சோர்விலன் அஞ்சான் அவனை
இகல்வெல்லல் யார்க்கும் அரிது

என்று சொல்லியுள்ளார். அதாவது...ஒரு விசயத்தை அழகாகவும் ஆணித்தரமாகவும் சொல்லத்தெரிந்தால் போதும். அது பொய்யாக இருந்தாலும் அவனை சுற்றி ஒரு கூட்டமிருந்து, அவனை வெல்ல யாராலும் முடியாது என்றிருக்கிறார். இந்த இடத்தில் ஒரு திருத்தம், உங்கள் விசயத்தில் அது பொய்யாக இருந்தாலும் என்பதை அது பிழையாக இருந்தாலும் என்று மாற்றிக்கொள்ளுங்கள். இனி, உங்களை தொந்தரவு செய்யப்போவதில்லை. இதுவரை கொடுத்த தொந்தரவிற்காக மன்னிக்கவும்.
இனிமேலாவது பிழையில்லாமல் எழுதுவீர் என்ற நம்பிக்கையில்....

புரட்சிக்காரன்

இன்னைக்கு நம்ம பாக்கப்போறதும் ஒரு வாத்தியாரை பத்தித்தானுங்கண்ணா....

இந்த கவிதை தெரு வாத்தியாரும், நம்ம சரணாலய வாத்தியாரும் நெருங்கிய தோஸ்துங்க....ரெண்டு பேரும் ஒன்னாத்தான் வேலை பார்க்கறாங்க....
நம்ம அடிக்கடி இவங்களை பத்தி எழுதுறதால...இப்ப சரணாலய வாத்தி கொஞ்சம் திருந்திட்ட மாதிரி இருக்கு...திருந்தட்டும் நமக்கு அதுதானே வேணும்.

சரணாலய பதிவரு இப்பலாம் காப்பிகூட குடிக்கறது இல்லையாம்.
பதிவை கூட ரத்திண சுருக்கமா எழுதுறார். கவிதைங்கிற பேருல எதையாவது ரெண்டு அடி இல்லாட்டி  நாலு வரில எழுதி திருக்குறளுக்கும், நாலடியாருக்கும் செம போட்டியை கொடுக்கறாரு அவரு....

அவருக்கு போட்டியா இந்த கவிதைத்தெரு வாத்தியும் கவிதைங்கற பேருல எழுதுவாரு பாருங்க...ஆத்தாடி நம்ம வாலி, வைரமுத்து எல்லாம் பிசசை வாங்கனும் அவருகிட்ட...அப்படி ஒரு சமுதாய அக்கறையுள்ள கவிதைகள்.

கவிதைதெரு வாத்தி பதிவுலக ஷங்கர் மாதிரி.... ஷங்கருன்னு சொன்னதும் பெரிய அளவுல அவரை நெனைக்காதீங்கண்ணா....
ஷங்கரும் இவரும் சரக்கே இல்லாம அவங்க அவங்க துறையில குப்பை கொட்டுறவங்க...
ஷங்கருக்கு பிரமாண்டம்ன்னா...கவிதைதெருவுக்கு ஜிகினா வேலைப்பாடுகள்.

நான் இன்று கடைக்குப்போய் மிட்டாய் வாங்கினேன் என்பதைக்கூட

நான்
இன்று
கடைக்குப்போய்
மிட்டாய்
வாங்கினேன்

என்று ஒன்றின்கீழ் ஒன்றாய் வார்த்தைகளை அடுக்கி, அந்த மொக்கைக்கு ஜிகினா வேலைப்பாடுகளெல்லாம் கொடுத்து, கலர் கலரா வண்ணம் பூசி கவிதைன்னு சந்தைப்படுத்திவிடுவாரு. அவ்வளவு திறமை நம்ம கவிதைதெரு வாத்திக்கு..

ஒரு கவிதை எப்படி இருக்கக்கூடாதுங்குறதுக்கு அண்ணனின் உரைநடையே தப்பு தப்பு  கவிதையே சாட்சி. கவிதை எழுதற பதிவர்கள் எல்லாரும் ஒரு முறை நம்ம வாத்தியின் கவிதையை படிங்கப்பா...அப்பத்தான் எப்படி கவிதை எழுதக்கூடாதுன்னு உங்களுக்கு புரியும். இதுகூட தொலையட்டும். 

அன்றைக்கு ஒரு தலைப்பு வச்சிருந்தார் பாருங்க.....ஆசிரியர் ஜாதியே வெட்கி தலைகுனியனும் அதுக்காக....அப்படி என்ன தலைப்புன்னு கேட்கறீங்களா...இதுதான் அந்த தலைப்பு....

ஆத்தா.. நான் அதுல பாஸாயிட்டேன்.

இப்படி ஒரு மட்டமான தலைப்பை ஒரு ஆசிரியர் போட்டது வெட்கக்கேடு. என்னதான் சாக்கு போக்கு சொன்னாலும் 'அது' எனும் வார்த்தைக்கு அசிங்கமான அர்த்தம் உண்டு என்பது எல்லாருக்கும் தெரியும். ஹிட்ஸ் வாங்க வேண்டும் என்பதற்காக அந்த 'அது' வார்த்தையை பயன்படுத்தி அதுவும் தாயே (ஆத்தா)  நான் அதுல பாஸ்  ஆயிட்டேன் என்று எழுதுவது ஒரு ஆசிரியருக்கு அழகா? ஒவ்வொரு முறையும் யாரேனும் தவறை சுட்டிக்காட்டுவதும், சில சமயம் அதை திருத்துவதும், பலமுறை தகிடுதத்தம் செய்யும் அந்த வாத்தியார் இன்னும் அந்த வார்த்தையை திருத்தாமல் இருக்கிறாரே....இன்னும் யாரும் அதை சுட்டிக்காட்டவில்லை போலும்.
இதை  எங்க பக்கம் இருக்கும் ஆத்தாவிடம் சொல்லியிருந்தால் அதுல அதை நனைச்சு...அது பிஞ்சுபோற அளவுக்கு அதாலயேஅடிச்சுருப்பாங்க....

அதுல என்னங்க தப்பு இருக்கு? அதுங்கறது கெட்டவார்த்தையான்னு கேட்கறீங்களா?

ஆமாங்க..ஆமாம்...அதுங்கறது இன்றைய பதிவுலகத்தில் அது கெட்டவார்த்தைதான். வாத்தியாரும் ஹிட்சுக்காக கெட்டவார்த்தை அடிப்படையில்தான் அதை பயன்படுத்தியிருக்கார். சாதாரனமாக நான் பாசாயிட்டேன்னு தலைப்பு வச்சா கூட்டம் வராதுன்னு தெரிஞ்சே அதை பயன்படுத்தியிருக்கார்.

இந்த அது இது போன்ற வார்த்தைகளை ரெண்டு வாத்திகளும்தான் அதிகம் பயன்படுத்தறாங்க.....

என்ன பன்றது இவங்க அதுக்குக்கூட லாயக்கில்லை....எதுக்கா? அதுக்குத்தாங்க....

மரணமடைந்த சாய்பாபா உடல்நலம் குன்றி இருந்தபோது சாய்பாபா தனது 95-ஆம் வயதில்தான் ஜீவசமாதி அடைவார்.அதுவரை ஜீவித்திருப்பார் என்றெல்லாம் உலகம் முழுவதும் இருக்கும் லட்சக்கணக்கான பக்தர்கள் நம்பினார்கள். ஆனால், அனைவரின் எதிர்பார்ப்பையும் பொய்யாக்கிவிட்டு சாய்பாபா தனது 86-வது வயதில் இறந்து விட்டார்.



வெளிநாட்டிலோ...வெளியூரிலோ ஒருவருக்கு உடல்நிலை சரியாக இல்லை  என்றால் அவர்களிடம் லட்சக்கணக்கில் பணத்தை காணிக்கையாக கறந்து விட்டு சாய்பாபாவால் விபூதி அனுப்பப்படும். அதை சாப்பிட்ட பக்தர்களின் வியாதி குணமானதோ என்னவோ ஆனால் பாபாவின் கல்லா நிரம்பியது. ஆனால், அவருக்கு சுகவீனம் என்றதும் அதே விபூதியை உட்கொள்ளாமல்....பக்தர்களின் காசில் கட்டப்பட்ட சாய் ஸ்பெசாலிட்டி மருத்துவமனையில் போய் படுத்துக்கொண்டார். பக்தர்களின் வியாதியை குணமாக்கிய விபூதி இவரின் வியாதியை குணமாக்காமல் போனதுதான் வேதனை.


அப்பாவி பக்தர்களை ஏமாற்ற நிஜ கடவுள்,  நேரடியாக அவதாரமெல்லாம் எடுத்துவர தேவையில்லை..அதற்கு அவசியமுமில்லை.


அதற்கு காரணம் போலி சாமியர்களல்ல....மக்கள்தான்...அவர்களுக்கு கடவுள் மேல் இருக்கும் பயமும், வாழ்க்கை மேல் இருக்கும் பயமும் தான் காரணம்....இருக்கும்போது நன்றாக வாழவேண்டும், இறந்த பின்னும் மோட்சம் அடைய வேண்டும்...அதற்கு கடவுளை அடைய வேண்டும், காணிக்கைகள் மூலம் கடவுளை திருப்தி படுத்த வேண்டும் என்று நினைக்கும் மக்கள் அதற்காக நாடுவது கடவுளையோ...கோவிலையோ அல்ல...மாறாக, போலிசாமியார்களை....



கடவுளின் அவதாரமாக நினைத்து இவர்களை வழிபட  ஆரம்பிக்கிறார்கள். அவர்களின் அறியாமையை இவர்களும் பயன் படுத்தி கொள்கிறார்கள்.

சரி...இப்போது சாய்பாபா விஷயத்திற்கு வருவோம்....
தனது 95-வயதில் இறப்பேன் என்று சொன்ன பாபா தன 86-வது வயதிலேயே அவசர அவசரமாக புறப்பட வேண்டிய அவசியமென்ன?
இன்னும் பத்து வருடம் கழித்து வருகிறேன் என்று எமனிடம் மன்றாடி இருக்கலாமே? கடவுள் சொன்னால் எமன் கேட்காமல் போய் விடுவானா என்ன?


அதிலும்  ஒரு பக்தர் கீழே விழுந்தாலும் மீசையில் மண் ஒட்டாமல் பேசியிருக்கிறார்...என்னவென்றால்.....
"நாம் ஆங்கில முறைப்படி ஆண்டுகளைக் கணக்கிட்டு, சாய் பாபாவுக்கு தற்‌போது வயது 86 என்று கூறுகிறோம். ஆனால் ஹிந்து முறைப்படி சந்திரனை அடிப்படையாக கொண்டே ஆண்டு நிர்ணயிக்கப்படுகிறது. அதாவது ஆங்கில முறைப்படி ஒரு மாதம் என்பது 30 அல்லது 31 நாட்கள். ஆனால் ஹிந்து முறைப்படி பூமியை சந்திரன் ஒருமுறை சுற்றி வரும் காலம்தான் ஒரு மாதம் என கணக்கிடப்படுகிறது. சந்திரன் ஒருமுறை பூமியைச் சுற்றி வர 27.3 நாட்கள்தான் ஆகிறது. அந்த அடிப்படையில் கணக்கிட்டால் சாய் பாபாவுக்கு தற்போது வயது 94 ஆகிறது. மேலும் ஹிந்து வழக்கப்படி அவர் பிறந்த ஆண்டே முதல் வயதாக கருதப்படுவதால் சாய் பாபாவுக்கு 95 ஆகிறது. எனவே சாய் பாபா தமது ஆயுள் குறித்து தெரிவித்த வாக்கு பொய்க்கவில்லை; சாய் வாக்கு சத்ய வாக்காக‌வே இருக்கிறது" என்று கூறி புல்லரிக்க  வைத்துள்ளார்....எப்படியெல்லாம் யோசிக்கிறாங்க பாருங்க....


ஒருவேளை பாபா இறக்காமல்  95-வயது வரை உயிரோடு இருந்திருந்தால் என்ன சொல்வார்கள்..இதே கணக்கைத்தான் சொல்வார்களா என்று பார்த்தால் வேறு ஒரு காரணத்தை சொல்லி சப்பை கட்டு கட்டுவார்கள். என்ன செய்வது அவர்கள் அப்படித்தான் மூளை சலவை செய்யப்பட்டிருக்கிறார்கள்.

முதலில் ஒன்றை தெரிந்து கொள்ளுங்கள்....தற்கொலை செய்வதை தவிர்த்து மரணம் என்பது யாரும் தீர்மானிக்க முடியாது...அது இயற்கையின் நியதி....இத்தனை வருடம் இந்த பூமியில் வாழ்வேன் என்றெல்லாம் கணிக்க முடியாத விஷயம்.

இவ்வளவு நாள்தான் வாழ்வேன்...இத்தனை வயது வரை வாழ்வேன் என்றுஒருவர் கூறுகிறாரேயானால் அவரை தொடர்ந்து கண்காணிக்க வேண்டும். அவர் குறித்திருக்கும் மரண தேதிக்கு முன் அவர் இறந்து விட்டால் பிரச்சினையில்லை. ஆனால்,  சரியாக முன்பே குறிப்பிட்ட தேதியில் இறந்து விட்டால் புகழை தக்கவைக்க குறித்த தேதியில் தற்கொலை செய்து கொண்டுள்ளார் என்றே அர்த்தம். தூக்க மாத்திரை அல்ல்லது விஷம் போன்ற எதாவது ஒன்றை சாப்பிட்டு மரணத்தை தழுவி இருக்கலாம். (இது தெரியாமல் மக்கள் அவரை அவதார புருஷனாக கொண்டாடுகிறார்கள்). அப்படி இறந்தவரின் உடலை பிரேத  பரிசோதனைக்கு உட்படுத்தினால் மர்மம் விளங்கும்.

இறுதியாக சாய்பாபா பக்த கோடிகளுக்கு......



கவலையை விடுங்கள் பக்தர்களே....ஷீரடி சாய்பாபா இறந்தபோது அவரின் மறுபிறவியாக எப்படி புட்டபர்த்தி சாய்பாபா வந்தாரோ...அதே போல...இவருக்கு பதிலாக  உங்களை ஏமாற்ற வேறொரு இடத்தில் வேறொரு பாபா பிறந்திருப்பார்......கூடிய விரைவில் உங்கள் முன் வருவார்...அப்போது அவருக்கும் கோவில்கட்ட தயாராக இருங்கள். அவர் வரும்வரை காத்திருங்கள்.